“كوكو وقشرته: زي أطفال كتير ما بيبقوا على شيء معين مصمِمين، أو بلعبة معينة متعلقين … مثلا بدبدوب أو أرنوب مرتبطين، كوكو هو كمان، بيحب قشرته ومعلق بيها. عايزها مَعاه في كُل مَكان، ومِش راضي يعمِل زَي اخواتُه ويرميها. يا تَرى هَيعرَف يتخَلَّص منها؟ ومَعقولَة مُمكِن يبقى مَبسوط من غيرها؟

زيزي وعيد ميلادها: لمَّا ماما قالِت «إنتُو مِش مِحتاجين هَدايا وعندكُم لِعَب كِفاية» … الأرانِب ما اعتَرَضوش! ولمَّا اقتَرَحِت «إيه رأيكُم السَنة دي ما تفَكَّروش في نَفسُكم وتساعدوا حَد تاني أو تِبسِطوا حَد يهِمُّكُم» … الأرانِب ما رَفَضوش! بَس يا تَرى زيزي فِهمِت ماما كانِت تُقصُد إيه؟ وهَل استَوعِبت اقتراحها واقتَنَعِت بيه؟”