نكبر ونتعلم درس مهم جدًا في الحياة؛ إن كل موقف قلنا صعب يعدي.. مر الوقت وعدى وأصبح ماضي.. نكبر ونفهم إن الظروف لازم تحصل، لكن التعويض أكيد في النهاية.. التعويض أحيانًا بيكون بشكل أجمل من تخيلاتنا..
نكبر وندرك إن قصص الحب غير المكتملة جايز تكون من اجمل ما حصل، لولاها كان زمان سذاجة الطفولة بتكبر معانا، وكان زمان القلب متعلمش ازاي يجمد ويفهم.. نكبر ونفضل لسه بنتعلم ولسه بنحب ولسه بنقع وبنتعلم ازاي نقوم وازاي ربنا بياخد بإيدينا كل مرة.
