ليه إسمها (ميليا)؟
هو في إسم كده فعلاً و لا دي أي كلمه و خلاص؟
إسم (ميليا) حقيقي، لكن لأن أصوله مش عربية فا مش هنلاقيه منتشر في مجتمعنا العربي..
صفات أصحاب الاسم ده عادةً خليط مركب من مميزات و عيوب و الخلطة دي بتخليك ماتعرفش تصنفهم بوضوح هما ضحايا و لا مذنبين!
الصفات دي اهمها الحب الشديد للشغل بصوره مبالغة عشان يوصلوا لتفوق ماحدش حققه غيرهم،
تركيزهم شديد في الاتجاه اللي هما محددينه و لما بيحطوا حاجه في دماغهم هيوصلوا لها مهما طال الوقت،
ده لأن ذكائهم حاد جداً و صبورين جداً جدأ جداً!
بس في نفس الوقت و بسبب العند الشديد الي في شخصيتهم، هما بيصروا علي رأيهم حتي لو غلط و مستحيل يقتنعوا برأي تاني..
و علي قد صبرهم و طولة بالهم، لو جه الوقت و فقدوا صبرهم ده ، بيفقدوا السيطره علي اعصابهم و علي كل حاجه، و ممكن يأذوا اي حد حتي لو نفسهم